Anonymous Albania kërcënon Francën: Po nxisni luftë në Ballkan, lironi Haradinajn ose…


Vazhdojnë protestat kundër arrestimit të Haradinajt, por së fundmi ka reaguar edhe “Anonymous Albania”. Ata i kanë kdërguar një mesazh të fortë Francës, ku i kërkojnë lirimin e kreut të AAK-së, Ramush Haradinajt.

Me anë të një video të publikuar në YouTube ata deklarojnë se janë shumë të zhgënjyer nga vendimi i autoriteteve franceze sa i takon arrestimit të Haradinajt, ndërsa nuk ngurojnë se nëse ndodh e kundërta ky shtet do e paguaj.

LEXO EDHE ==>  Ja si bëhen “letrat” për punë në Gjermani dhe Austri për vetëm 200 euro

Ndër të tjera Anonymous Albania shton se këto provokime mes Kosovës dhe BE do të nxisin luftën në Ballkan.

“Drejtuar qeverisë franceze. Ne jemi Anonymous Albania. Jemi shumë të zhgënjyer nga qëndrimi juaj në lidhje me arrestimin e Zotit Ramush Haradinaj, një nga heronjtë tanë. Ai ka kontribuar në çlirimin e Kosovës në 1998-ën. Kosova është shtet i pavarur dhe nuk është pjesë e Serbisë. Ju po prishni dialogun mes Kosovës dhe BE. Provokimet tuaja do të nxisin luftën në Ballkan. Ndaj mos luani me ne. Ju nuk duhet ta ekstradoni Haradinajn në Beograd, pasi do të jeni në luftë me ne dhe shqiptarët. Mos e harroni, lironi Zotin Haradinajn, ose do ta paguani këtë. Ne jemi Anonymous Albania. Ne nuk falim, ne nuk harrojmë. Na prisni!”, citohet në mesazhin e Anonymous Albania.

Close